तनवीर

तिम्रो माया कस्तो छ?
सुन्छु जादु जस्तो छ,
जहाँ मन बदल्न आउनेहरु,
आफैलाई बदलेर जान्छन।

तिम्रो सामिप्यता कस्तो छ?
सुन्छु मुहान जस्तो छ,
जहाँ तिर्खा मेटाउन आउनेहरु,
सांगर बनेर जान्छन।

तिम्रो छुवाई कस्तो छ?
सुन्छु अफीम जस्तो छ,
जहाँ पिडा भुलाउन आउनेहरु,
आफैलाइ भुलेर जान्छन।

तिम्रो आभा कस्तो छ?
सुन्छु इन्द्रेणी जस्तो छ,
जहाँ हुदै बग्ने हावा पनि,
रंगीएर जान्छन।

केवल चर्चा सुन्ने गर्छु,
अनि रहर बुन्ने गर्छु,
कि यस्तो तनवीर कहीं छ,
जहाँ दिशा सोध्न आउनेहरु,
गन्तव्य भेटाएर फर्कन्छन।।