म हिडिरहेछु

म हिडिरहेछु,
यहाँ बाट उहाँ, बिना दिशा
हावा सरि, चलिरहेछु म
नशा नशा हुदै,
जसरि रगत बग्छ,
म पृथ्वीको नशामा बगिरहेछु
म हिडिरहेछु..

बाक्लो जुत्ता, पातालियेर
ढुङ्गै पस्ने गरि,
हिड्दा हिड्दै पैतालाको
चर्मै मर्ने गरि,
कहिले धुलोको समुन्द्रमा,
पौडिएर
कहिले बिना प्रतियोगिता,
दौडिएर
म हिडिरहेछु..

पुग्न, कुन्नि कहिले, किन कहाँ
पत्तो नराखी,
यो उछ्लिरहने मनको आवेगलाइ,
शान्त पार्न,
पेटको आवाज, सुन्न बिर्सी
पाउको बिस्राम, बुझ्न बिर्सी
घाम संग तातिदै,
हावा संग पखालिदै,
म हिडिरहेछु....

आफ्नै कोठा कहिले,
पिंजडा लाग्छ,
मीठो माया पनि,
चुम्मक लाग्छ
बिन्ना पत्तो अनि,
बिलाउँ झैं लाग्छ
अनि नवीनतालाइ
अंगाल्न या,
पृथ्वीलाई कागज बनाइ,
पैतालाले केहि कोर्न
म हिडिरहेछु....